2023-01-20
環保新年小貼士
下星期就是農曆新年，環保觸覺同大家分享一下環保過新年小貼士：
【豐衣足食小貼士】
✨ 拜年穿着的服裝新淨即可，不需每年換新
✨ 聚餐時切勿眼闊肚窄，浪費食物
✨ 先問清楚收禮者想要什麼禮物，切勿造成浪費
✨ 選擇環保包裝的禮品，並分類回收包裝物料
✨ 若收到多餘的禮品、食品，請盡早轉贈給有需要的人
【回收節慶物品小貼士】
新年前嘅準備，唔單止係去買年花、訂賀年食品，而係諗埋新年過後，點樣環保地處理一唯剩餘物資，減輕堆填區壓力！其中一項有效方法就係回收。
∮桃花∮
過年後，可以拎去指定地點（由香港環境保護協會與環境保護署，透過Y·PARK [林·區] 承辦商設立的中央收集站及逾54個地區收集站），以便循環再造成為木煤（有用再生燃料）和有機肥料。送往回收前，記得將桃花上的揮春及膠帶等裝飾物品先拆除呀！
●年桔●
大家可以繼續栽種，亦可參與環保協進會─鳳園蝴蝶保育區舉辦「年桔轉贈配對網絡」計劃，將年桔捐贈到有需要的地方，例如學校蝴蝶園及農場等
◎盆菜金屬兜◎
可留下重用，或洗乾淨後拎去綠在區區及坊間團體進行回收，轉贈狗場、農場等再用。今年更有部分機構會收回盆菜金屬兜重用，「生產者責任」自負！
其實過年最開心都係同親友聚首一堂，唔洗過於舖張，只要講多幾句祝賀說話，都可以感受到節日氣氛㗎！環保觸覺祝大家兔年行大運、身體健康、心想事成！！！
留言
